Herritarren entzute prozesu berritzaile baten ondoren, non 1245 pertsonak, 219 parte-hartzaile herritarren mahaietan eta 67 enpresa eta elkarte lokalek parte hartu duten, Udalak herritarrekin partekatu nahi ditu kolektiboki irudikatutako Amorebieta-Etxano idealari forma ematen dioten ikuspegi, nahi eta proiektu nagusiak.
Amorebieta-Etxanoko eraztun berdea
Amorebieta-Etxanoko etorkizun berdea udalerria bertako paisaiarekin berriz lotzetik hasten da. Amorebieta-Etxano naturalagoa, osasungarriagoa eta erronka klimatikoetarako prestatuagoa, non ura, landaredia, mugikortasun aktiboa eta topaguneak hiri-ikuspegi beraren parte diren.
Eraztun berdeak parkeak, ibaiertzak, ibilbideak eta gutxiegi erabilitako espazioak sare bizi eta birnaturalizatu bihurtzea proposatzen du, uholdeetatik babesten duten lekuak, biodibertsitatea hobetzen dutenak, auzoak lotzen dituztenak, joan-etorri iraunkorrak errazten dituztenak eta adin guztientzako ongizate-espazio berriak eskaintzen dituztenak.
Erreferentziazko proiektua → Sesvete-ko lorategi terapeutikoa (Zagreb, Kroazia)
Inkestatutako pertsonen %30,2k* uste du Berdea terminoak deskribatzen duela ondoen Amorebieta-Etxanoren etorkizuna.
*2025eko azarotik 2026ko otsailera bitartean egindako "Ametsetatik herrira" inkestan jasotako datuen arabera.
Erreferentziazko proiektua → Grønningen-Bispeparken Climate Park (Kopenhage)
Erreferentziazko proiektua → Tiny Forest (Zaanstad, Herbehereak)
Herritarren bizikidetzan oinarritutako hirigintza
Amorebieta-Etxanoko hiri-etorkizunerako ezinbestekoa da bertako hirigintza-paisaia eta espazio publikoak leku atseginagoetara, irisgarriagoetara eta zornotzarren bizitzarekin eta eguneroko beharrekin konektatutakoetara proiektatzea. Oinez ibiltzeak, espazio publikoa hobetzeak eta tokiko merkataritza aktibatzeak hirigunea paseatzeko, topatzeko, lan egiteko eta gozatzeko ingurune bihur dezakete, esperientzia beraren parte.
Amorebieta-Etxanoko herritarrek eraldaketa hurbila, bizkorra eta ezagutzeko erraza amesten dute, lehendik dagoena aktibatuz. Kaleak, plazak, dendak, ekipamenduak eta lokalak jarduera sortzeko, talentua erakartzeko eta udalerriaren harrotasuna indartzeko sare bihur daitezke. Zornotzarra naiz eta harro nago!
Herritarrek proposatutako kontzeptuaren irudikapen bisuala
Hirigintzako joera → Superkilen hiri-parkea (Kopenhage)
Horretan ari gara!
Inkestatutako pertsonen %64k* adierazi dute tokiko merkataritza eta kaleetako bizitza direla zentroko balio nagusietako bat.
*2025eko azarotik 2026ko otsailera bitartean egindako "Ametsetatik herrira" inkestan jasotako datuen arabera.
Kultura eta kirol jarduera berriei ostatu emateko gune biziak
Amorebieta-Etxanoko kulturaren eta kirolaren etorkizuna ez da soilik jardueren eskaintza zabaltzea, baizik eta jarduera hori gertatzen den espazioak birpentsatzea. Zornotza Aretoa bezalako ekipamenduek edo erabilera anitzeko espazio berriek, hala nola Urgozok, leku irekiagoak, malguagoak eta egunerokoagoak bihur ditzakete, urte osoan zehar aisialdia, sorkuntza, kirola, topaketa eta parte-hartzea eskeintzeko gai direnak.
Komunitate-bizitza bere indargune nagusietako bat den udalerri batean, kultura- eta kirol-espazioak harreman-azpiegitura bihur daitezke: gazteak, familiak, elkarteak, artistak, kirolariak eta herritarrak nahasteko, gauza berriak probatzeko eta komunitatea eraikitzeko lekuak sortuz. Aukera ona da erabilera itxiak edo mugatuak dituzten eraikinetatik espazio bizi, hibrido eta irisgarrietara igarotzea.
Herritarrek proposatutako kontzeptuaren irudikapen bisuala
Erreferentziazko proiektua → Game Streetmekka Viborg (Danimarka)
Inkestatutako pertsonen %49,6k* adierazi du Amorebieta-Etxanok kultura- eta kirol-espazio berriak behar dituela.
*2026ko maiatzean kaleratutako “Ametsetatik herrira” inkestan jasotako datuen arabera.
Horretan ari gara!
Amorebieta-Etxano etorkizuneko herria
Hiri-hazkunde ordenatu, iraunkor eta ekitatibo baterantz goaz, ingurumen-, gizarte- eta ekonomia-iraunkortasuneko irizpideak integratuz, etxebizitza- eta enplegu-aukerak bermatuz eta udalerrian bizi diren pertsona guztien bizi-kalitatea sustatuz.
Epe luzerako begirada Amorebieta-Etxanorako, hurbilagokoa, kohesionatua eta bizimodu berrietarako prestatua.
Galdetutakoen %84,6a* udalerrira errotuta sentitzen da, eta %82k dio harro dagoela Amorebieta-Etxanon bizitzeaz.
*2026ko urtarrilean kaleratutako "Ametsetatik herrira" inkestan jasotako datuen arabera.
✱
Udalaren eta herritarren arteko lotura etengabeko hartu-emanean, konfiantza, segurtasun-sentsazioa eta pertenentzia-sentimendua hobetzeko.
✱
Hiri-espazio berriak erabilpen gabeko eremuetan deszentralizazio- mekanismo gisa.
✱
Etxebizitza eredu berriak, eskuragarritasuna, errotzea eta komunitatea sortzeko.
✱
Gure adinekoen zaintzarako eta bizitza aktiborako egoitza-komunitate irekia.
Erreferentziazko proiektua → Hogeweyk (Herbehereak)
✱
Udalerriko konexio-puntu gisa integratutako mugikortasun-nodoak.
✱
“Bertokoak berton” — auzoetan oinarrizko zerbitzuak bideratu.
✱
Landaguneko lan- eta bizikidetza-guneen sarea.
2026 © Amorebieta-Etxanoko Udala